Ruth Tryggvason heiðursborgari Ísafjarðar fallin frá

Frú Ruth var einstök kona og lifandi sönnun þess, að einstaklingurinn skiptir máli. Bæði fyrir sína nánustu og sitt bæjarfélg og fyrir samfélagið.

Ég heyrði fyrst af Ruth þegar hún kom til Ísafjarðar.

Það vakti gífurlega eftirtekt þegar þessi glæsilega kona kom til bæjarins til að hefja nýtt líf með Adda Tryggva, eins og hann var oftast nefndur.

Þar sem pabbi minn var danskur var mér málið skylt.

Síðar gerðist það að ég var barnapía í fáein skipti hjá þeim hjónum, líklega í kringum 1954-5. 

Enn síðar fór ég að spila á dansleikjum með Adda að Uppsölum.

Enn síðar fór ég til Danmerkur og þá var systir hennar Lis og hennar maður Börge mín stoð og stytta.

Þessum systrum og fjölskyldum á ég því mikið að þakka.

Varðandi framlag þessarar góðu konu til mannlífsins á Ísafirði, þá er ekki annað að sjá en Ísfirðingar hafi metið hana að verðleikum. Sýnt henni vináttu og virðingu við hæfi.

Við andlát hennar drýp ég höfði fyrir heiðursborgara Ísafjarðar.

 

 

 

 

 

 

 

Útsýni yfir Silfurtorg séð frá Gamla bakaríinu

 

 

 

 

 

 

Frá Tunguskógi - Addi Tryggva ók á mótórhjóli til vinnu sinnar í Gamla bakaríinu

Athugasemdir

[Elfar Logi Hannesson, 26.3.2011 kl. 13:11]

falleg orð um einstaka konu sem við söknum sárt

[Sigurður Alfreð Herlufsen, 27.3.2011 kl. 11:05]

Þakka þér Elvar Logi þín einlægu orð.

Mig langar til að bæta við, að það er í sjálfu sér merkilegt að danskur borgari innfluttur til Ísafjarðar skyldi verða fyrsti heiðursborgari bæjarins.

Það eitt og sér segir mikið til um hvað þessi sérstaka kona hafði til málanna að leggja með lífshlaupi sínu meðal bæjarbúa.