FYRIRBYGGJANDI LÆKNISAÐGERÐ

Fyrirbyggjandi læknisaðgerð er lausnarorð okkar tíma. Allt skal gert fyrirfram.

Ef líkur benda til þess að þú verðir veikur einhvern tíma, einhvers staðar, þá býður læknisfræðin þér að fjarlægja viðkomandi líffæri, þannig að þú fáir aldrei að uppgötva hvers þú ert megnugur er þú mætir áskorunum framtíðarinnar.

Er það ekki merkileg læknisaðgerð að fjarlæga líkamshluti áður en þeir fara að gefa eftir?

Eða er það kannski hrein snilld að vera á undan náttúrunni og gera fyrirbyggjandi aðgerðir - eða að oflækna?

Geta menn átt von á því að þeim verði hampað fyrir þá snilld að uppgötva veikleika mannanna fyrirfram og þeir þurfi ekkert að hafa fyrir neinu - enginn lífsbarátta - engar áskoranir - enginn þróun eða þroski - bara undir hnífinn góði.

Ef til vill hefur þetta verið fundið upp af atvinnulausum skurðlækni?

Nema að þetta sé merki um svokallaðar vísindalækningar, að ekki sé gefið rými fyrir sð kljást við sínar eigin áskoranir á þeim tíma sem eðlilegur er fyrir tiltekið verkefni.

Við vitum að tíminn er merkilegur gerandi í lífsverkinu.

Við þurfum t.d. að bíða eftir því að ávöxtur sé það þroskaður að hann sé tilbúin til neyslu.

Sé hann tekinn of snemma til kostanna, þá verða stór vonbrigði, því að ávöxturinn er ekki þroskaður og aðgerðir af þessu tagi eru dæmdar til að mistakast.

Eins þurfum við að gefa sári nægilegan tíma til að heilast.

Við þurfum sem sagt að láta náttúruna um verkið og fá að hafa sinn gang.

Allt hefur sinn tíma og farsælast er að gangast undir það af hógværð þess manns sem sér að lífshrynjandinn er ekki í okkar stjórn, heldur erum við leikendur á sviði og best fer á því að leika sitt hlutverk af skynsemi, eða jafnvel af list?

Ég geri ráð fyrir að allir sem þetta lesa sjái að ég er með augun á þeirri gjörð, þegar konur láta taka af sér brjóstin í fyrirbyggjandi augnamiði.

Aldrei hefði mér dottið í hug að ég ætti eftir að upplifa svona mikla ranghverfu í heilbrigðisgeiranum, þó svo að fleiri álitaefni sveimi þar um kring.

 

Athugasemdir

[Valdimar Samúelsson, 20.9.2018 kl. 07:58]

Góð grein og áminning. Ég las það einmitt fyrir löngu en amerískur læknir sagði: Fólk kemur og biður um lækningu strax með einhverri pillu vitandi að það/þau eru búinn að vera vinna að eyðileggingu á líkamanum í tugi ára. 

Ég sjálfur tel að maturinn sjálfur lækni flest ef fólk skynjar sjálft meinið eða læknirinn finni það út. Börn og konur sjaldnar menn sem ætla að lifa af lengi á aðeins 500 til 1000 kaloríum munu ekki halda heilbrygði lengi hvorki andlegu né líkamlegu. 

Það liggur hundurinn grafin. Heilinn er 70% fita hverfi hún þá er voðin vís.   

[Sigurður Alfreð Herlufsen, 20.9.2018 kl. 09:02]

Þakka þér fyrir Valdimar.

Já, allt of margir fara illa með heilsuna og ætlast samt til þess að fá að njóta gæfu góðrar heilsu.

Læknum er vorkunn að þurfa sífellt að taka á móti fólki sem gerir allt of lítið sjálft til að viðhalda heilsunni.

Bifvélavirki sem tekur á móti bifreið til lagfæringar sér strax hvernig viðhaldið á honum hefur verið og veit því frá byrjun í hvaða ástandi hann er.

Það er vonandi einhver vakning í farvatninu, mér sýnist það nú á hinum ýmsu almanna hreyfingum sem láta sig líkamshreyfingu og mataræði varða, með það að leiðarljósi að eiga gjöfulla líf og betri heilsu.

[Valdimar Samúelsson, 20.9.2018 kl. 12:22]

Þakka Sigurður. Já satt og ég man sérstaklega eftir því þegar ég vann í Alaska en var þar hjá mjög stóru fyrirtæki en það virtust allir vera meðvitandi að eitt leiddi að öðru og byrjuðu þá á mataræði sem hjálpaði eða vítamín kúrum. Þar fengu menn allmennt ekki veikindadaga borgaða nema þeir væru hjá hinu opinbera en þá einn á mánuði sumir ekki nema viku á ári en það safnaðist upp að einhverju marki.

[Kolbrún Hilmars, 20.9.2018 kl. 13:06]

Reyndar er til mjög alvarleg erfðabreyting, BRCA2, sem skv Erfðagreiningu Kára Stefánssonar ber í sér 86% líkur á krabbameini - hvenær sem er.  Ég skil vel þær ungu konur sem vilja draga úr þeirri áhættu með aðgerð, enda er dóttir mín ein af þeim.  Sú er reyndar hámenntaður hjúkrunarfræðingur sjálf. 

[Magnús Sigurðsson, 20.9.2018 kl. 13:46]

Réttmætt sjónarmið í umræðuna, Sigurður. Það er kannski farsælast að hafa það eins um lífið sjálft og akstur; að taka beygjurnar þegar þær birtast, það er ekki svo auðvelt að ætla að taka þær, hvort sem er fyrirfram eða eftirá. Eingin veit sína ævina og þar fram eftir götunum. Þess vegna ætti hver að íhuga fyrir sig hvort lífslengd eða lífsgæði vigti meira.

[Sigurður Alfreð Herlufsen, 20.9.2018 kl. 14:43]

Takka fyrir Valdimar.

Það er gott að þú minnist á veikindadaga, því þannig er vaxið að sjálfseignabændur svokallaðir, eða menn sem vinna á eigin vegum og þá án umgjörðs sem stórt atvinnurekendafélag gerði út, að þeir mega helst ekki veikjast því að þá væru menn launalausir. Hefurðu tekið eftir hvað slíkir menn eru sjaldan veikir? Ég hef mest alla ævina unnið á eigin vegum og það var ekki í umræðunni að verða veikur - kom ekki til greina!

Þannig að þegar maður er kominn með ábyrgð á sjálfum sér þá vanar maður sig miklu betur og heilsan nýtur góðs af því.

[Sigurður Alfreð Herlufsen, 20.9.2018 kl. 15:08]

Kolbrún Hilmars, þakka þér kærlega innlitið og að segja okkur frá dóttur þinni og öðrum í hliðstæðum sporum.

Ég vil taka fram að samúð mín með konum í þeirri stöðu sem dóttir þín er í er mikil og einlæg.

Þó hún sé hálærð í sjúkdómafræðum þá vantar margar blaðsíður í fólk sem stundar sjúkdómaiðnaðinn. Það er auðvitað ekki þeim að kenna, heldur lærdómssetrunum sem halda meðvitað öllu um heilbrigði frá sínum nemendum, vegna þess að skólarnir eru þannig upp byggðir að þeir eru með ákveðið viðskiptamótel sem er að styðja við aðal inntektin hjá lyfjaiðnaðinum, en við vitum að sá iðnaður styður mjög myndarlega við þessa skóla og fá í staðinn að hafa hönd í bagga með lærdómnum og þar er markvisst séð til þess að nemendurnir fari ekkert að læra um náttúrulegar lausnir.

Eitt er það t.d. að líkaminn er mikil náttúrusmíð sem reyndar er dulið kraftaverk og það getur verið erfitt að koma augu á ef það hefur ekkert verið tíundað í námsefninu.

Jæja, það er þetta með breytileikann hans Kára. Líkaminn er í stanslausu sambandi við utanaðkomandi áreiti, þar á meðal ótalmargt sem gæti fellt hvaða mann sem er ef hann hefði veiklað ónæmiskerfi. Ein allsherjarvörn við hvaða áreiti sem leggst á líkamann er ónæmiskerfið. Ég hef það frá hálærðum læknum að krabbameinsfrumur séu alltaf að koma í heimsókn í líkamann en eru gerð afturreka af þessu sama ónæmiskerfi þegar það er í eðlilegu heilbrigðisstandi.

Og má ég svo lýsa því yfir að þessar konur með breytileikann ættu sem fyrstu viðbrögð við þeirri vitneskju að þær væru í sérstakri hættu, að hætta þegar í stað að neyta dýra og mjólkurafurða. Hefurðu ekki heyrt af því að samsetning dýramjólkur er ekki manninum eðlislæg og mjólkurkerfi kvenna er sérstaklega viðkvæmt fyrir þessum dýra- og mjólkurtegundum. Við þurfum að hafa í huga að mjólk fyrir kálfa er ætlað að koma þeim upp í mörg hundruð kíló á fáeinum mánuðum, en það er allt annað en börnum er fyrir bestu. Þannig að ef dóttir þín hefur alist upp á venjulegu fæði þá ætti hún þegar í stað að sleppa þessum mat: kjöti(öllum dýramat) mjólk rjóma ostum. Hugsaðu þér að fólk sem veit hvað þetta kostar það óar við að sleppa matvörum sem tungan vill fá, af því það er svo gott á bragðið. Heldurðu að það væri ekki betri kostur að taka þeim áskorunum að breyta um mataræði fyrirfram! og sjá hvert það leiðir. Eitt er víst að heilbrigðið myndi snarbatna á öllum sviðum.

Ef Kári væri einlægur og samúðarfullur gagnvart þessum konum sem hann hefur hrætt upp úr skónum, þá myndi hann segja konunum hvernig þær geti minnkað áhættuna að verða krabbameini að bráð. Þá sæi maður að Kári væri ekki að hugsa um fyrirtæki sitt og viðskiptamódel, heldur hefði hann hreina og ómengaða samúð með þessu fólki sem hann truflar svo alvarlega með innleggjum sínum.

[Sigurður Alfreð Herlufsen, 20.9.2018 kl. 15:12]

Þakka þér kærlega Magnús fyrir þín orð.

Mér er það ákaflega dýrmætt þegar ég fæ stuðning við það sem ég er að leggja inn í umræðuna. Þetta er nú einu sinni það málefni sem við öll ættum að hafa áhuga fyrir. Sjálfa heilsuna!

Ég hef haft hana svo lengi "á heilanum" eða sem áhugamál, að ég var bara ungur þegar ég keypti öll rit náttúrulækningafélagsins og í kjölfarið ákvað ég að hætta að borða dýr þegar ég flutti úr foreldrahúsum, þá aðeins um 19 til 20 ára gamall. Það var því sannarlega tekin sá póll sem til mestra heilla horfði.

[Kolbrún Hilmars, 20.9.2018 kl. 16:21]

Þakka þér fyrir svarið, Sigurður.  Málið er hins vegar að þessi erfðabreyting er sennilega mjög gömul því fólk af ákveðnum ættum (nú sérstaklega greindar sem "áhættuættum" hefur áratugum saman látist langt fyrir aldur fram úr hinum ýmsu útgáfum af krabbameini. Jafnvel smábörn.  Aðeins nýlega hefur afkomendum verið gert kleift að láta greina sig, þökk sé Kára.  Mataræði viðkomandi ætta hefur verið hið sama, eða hefðbundinn íslenskur sveitamatur líkt og beggja minna eigin ætta þar sem þessi stökkbreyting er óþekkt.  Sjálf held ég því að orsökin liggi í öðru en mataræðinu. 

[Sigurður Alfreð Herlufsen, 20.9.2018 kl. 19:09]

Þakka þér fyrir Kolbrún.

Já, þarna er meinið nákvæmlega. Það eru venjur kynslóðanna og veikleikar.

Fólk vill alltaf streitast á móti breytingum sem gætu verið til byltingarkenndra bóta, og jafnvel komið gegn breytileikanum og haft betur, því að þar er hjálpin næst.

Ég er mjög hugsi yfir þessu framferði Kára að leyfa sér að henda út í þjóðfélagið svona hugmyndum án þess að samtímis gefa þessum aðilum eitthvað uppbyggjandi með  fram á veginn.

Athugaðu að þetta eru fyrst og fremst ungar óharnaðar konur sem verða fyrir þessu losti og missa sig algjörlega og eru þeirra ákvarðanir markaðar því að þær sjá ekki alla sína möguleika.

Ég er aðeins áhorfandi að þessu sjónarspili og tel að til séu lífsstílsvenjur sem eru svo sterkar að þær geta hnikað til annars óheppilegum breytileika.

Það er eiginlega ömurlegt að horfa á hvernig lyfin renna um allt þjóðfélagið og fólk hefur frekar trú á slíkum aðferðum, heldur en að leita til náttúrunnar.

Að lokum óska ég þér og þínu fólki velfarnaðar og bið ykkur aðeins um að vanda það val sem ykkur stendur til boða. Það getur bæði fært ykkur nær ljósinu eða það getur leitt ykkur af leið.

[Magnús Sigurðsson, 20.9.2018 kl. 20:08]

Sæll Sigurður, þú átt sannarlega stuðning skilið. Ég tek heilshugar undir með þér að breytingar á mataræði og lífstíl geta vegið þungt. Og auðvitað hefði Kári bent á það, og átt auðvelt með að koma að því orði, ef hann væri ekki svona mikill markaðsmaður.

Þess vegna er það lofsvert þegar reynsluboltar eins og þú, sem kannt að koma fyrir þig orði, koma inn í heilsutengda umræðu með önnur sjónarmið en markaðstengd.

Sjálfur þarf ég að glíma við sjúkleika sem kostar marga sem ég þekki, og eru sama marki brenndir og ég, 7-8 tegundir lyfja, auk ótal ferða til lækna.

Ég fer þá leið að leita lækninga út í náttúrunni. Og þó svo að það hafi ekki losað mig við alveg öll lyf og læknisferðir, þá eru lyf náttúrunnar aukaverkanalaus, auk þess sem maður fær hálfa hollustuna við það eitt að vera úti í guðs grænni náttúrunni við að leita lausna. 

[Sigurður Alfreð Herlufsen, 20.9.2018 kl. 21:52]

Þakka þér kærlega Magnús og gangi þér allt að óskum við að fá heilsuna til baka.

Enda er hún það sem kemur næst lífinu sjálfu, því ekki getum við notið lífsins nema að vera heil heilsu.