Einu trúarbrögðin sem gilda í eilífðinni er kærleikurinn

Það er kjarni málsins. Kærleikurinn einn og án kennisetninga af hvaða tagi sem er, hefur gildi í bráð og lengd.

Mörgum virðist það erfitt að undirgangast og samþykkja, að þeirri eigin trú sé ekki sú eina útvalda. Heldur sé það hið góða í manninum sem hefur lokaorðið.

Kærleikurinn og hin umvefjandi umhyggja fyrir mannkyninu er það sem færir hluti úr stað.

Móðirin sem umvefur börnin sín og er tilbúin að verja þau og fyrirgefa þeim út í hið óendanlega, þarf að stækka þetta viðhorf þannig, að það eigi við um allt mannkynið.

Verða einskonar heimsmóðir sem umvefur hið stóra mannhaf með elsku sinni og kærleika.

 

 

 

 

 

 

 

 

 

Móðurástin hrein og tær

 

 

 

 

 

 

 

 

Hin altumvefjandi móðir sem umvefur tilveruna

 

 

 

 

 

 

 

Blómin vekja upp hið fínlega í manninum

 

 

 

 

 

 

 

 

 

Virðing og umhyggja - ákall 21. aldar

Athugasemdir

[Jón Ríkharðsson, 9.4.2011 kl. 23:03]

Þetta er fallegur pistill hjá þér Sigurður minn og sannur.

Kærleikurinn er undursamleg orka sem flæðir um, hægt og hljótt, en svo öflug að hún getur breytt öllum heiminum til hins betra á augabragði, ef mannkyninu hugnast að gefa honum gaum.

[Sigurður Alfreð Herlufsen, 10.4.2011 kl. 10:42]

Þakka þér kærlega Jón, fyrir innlitið.

Það er ákaflega mikils virði að finna fyrir stuðningi við það sem maður er að gera. Þessi eilífðarmál eru þannig að það eru ekki margir sem dvelja við þau. Flestir eru með hugann við daginn í dag, sem er auðvitað gott og blessað. Hins vegar er ágætt að hafa eitthvað jafnræði milli nútíðar og eilífðar.