Mitt heimili var að greiða hraðasekt á stofnbraut

Já, en hvað er svo merkilegt við það?

Skoðum það nánar.

Staðurinn er Álfaskeið í Hafnarfirði og er gatan stofnbraut hverfisins.

 

 

 

 

 

 

 

Engum bílum er lagt við götuna - þarna er víðsýnt

Tvísmellið á myndina til að sjá aðstæður nánar

Og svo er það hraðinn. Ekið var á 39 km samkvæmt mæli, síðan voru tekin til frádráttar vikmörk um 3 km svo sektin var miðuð við 36 km akstur.

Nú bið ég fólk að meta aðstæður og spyrja sig, hvort þetta sé eðlilegt á þessum vegi á þessum stað.

Athugasemdir

[Óskar Helgi Helgason (IP-tala skráð) 10.5.2011 kl. 01:58]

Heill og sæll; Sigurður Alfreð !

Hvarflaði ekki að mér; að tvísmella á þessa, annarrs ágætu mynd, því frásögu þinni, trúi ég, í hvívetna.

Enn eitt dæmið; um lúalegheit þau, sem vanvirðu, sem þinni kynslóð er sýnd, með þessarri fáránlegu sekt.

Mér sýnist nú; á yfirbragði þínu, sem skrifum öllum, að þú sért nú tæpast, með sakaferilinn langan, að baki, Sigurður minn.

Þeirra er skömmin - þín er háttvísin, sem lítillæti og friðsemd, og grandvarleikinn.

Með beztu kveðjum; úr Árnesþingi /

Óskar Helgi Helgason 

[Sigurður Alfreð Herlufsen, 10.5.2011 kl. 10:35]

Þakka þér kærlega Óskar Helgi, fyrir þetta skemmtilega og jákvæða innlegg.

Að þessu sinni var það nú konan mín sem var brotleg.

Játa þó að hafa sjálfur fengið hliðstæða sekt fyrir nokkrum mánuðum.

Í það sinn flaug mér í hug að skrifa pístil í þessa veru, en lét undir höfuð leggjast (líklega of friðsamur ?!).

Nú fannst mér mælirinn fleytifullur og settist við tölvuna.

Kannski af riddaramennsku við að verja eiginkonuna ?!