Íslenskar konur hafa náð körlum í drykkjunni

Þessi fyrirsögn er á forsíðu Fréttablaðsins í dag.

Í því sambandi kemst ég ekki hjá því að tengja þessa frétt við þá staðreynd að nauðganir hafa aukist til muna síðustu ár.

Er það ekki málið, að aukin drykkja með tilheyrandi lausung og kæruleysi, er þess valdandi að ofbeldisverkum fjölgar.

Mjög líkleg tenging þarna á milli.

Athugasemdir

[Axel Jóhann Hallgrímsson, 9.3.2012 kl. 12:10]

Það er sem sagt niðurstaða þín að konur geti sjálfum sér um kennt, þær eigi að halda sig heima í stað þess að stunda skemmtanir?

Það má vissulega færa fyrir því rök Sigurður, að það myndi draga úr nauðgunum, að loka allar konur inni á heimilum, og fleygja lyklinum.

[Sigurður Alfreð Herlufsen, 10.3.2012 kl. 15:09]

Ágæti Axel! 

Hvernig geturðu tekið orð mín og skilið þau svona neikvæðum skilningi?

Það er langur vegur frá því að ég sé að kenna konum um það sem ógnvaldar samfélagsins gera á þeirra hlut.

Ég er að benda á, að hið almenna siðferði hljóti að vera á lægri siðferðilegum standard sé vín haft um hönd.

Ertu mér ekki sammála um að vín sé víðsjáll félagi og sé undirrót margra vandamála samfélagsins?

Ég geri fastlega ráð fyrir því að þú sért mér sammála um, að það sé frekar neikvætt að fleiri konur séu orðnar viðriðnar áfengisnotkun, heldur en var hér á árum áður?

Í öllum bænum, þá bið ég þig að draga ekki fram drauga frá Afganistan eða aðra hliðstæðu svartnættisins og líma við mína hugrenningar.