Jón Baldvin og Eystrasaltslöndin

Fréttatíminn birtir um þessa helgi viðamikla grein um þátt Jóns Baldvins Hannibalssonar við frelsun Eystrasaltslandanna.

Ég man vel þegar þessir viðburðir áttu sér stað. Þá var ég stoltur af utanríkisráðherra þjóðarinnar og ég fann til þakklætis að tilheyra þessari þjóð.

En í sambandi við þetta mál þá leikur mér forvitni á að vita hvernig Davíð Oddsson og hans ráðuneyti kom að málinu.

Svo undarlega vill til að þessa er ekki minnst svo mig reki minni til, hvort Jón Baldvin hafi haft samþykki og blessun ríkisstjórnarinnar til að takast á hendur þessa áhrifaríku ferð.

Af hverju hafa fréttamenn ekki spurt Jón og ríkisstjórnarmeðlimi um þann þátt málsins. 

Þó auðvitað hafi Jón verið mikill gerandi, þá er nauðsynlegt að halda til haga hver afstaða ríkisstjórnarinnar var, og hafi hún einróma verið honum samstíga, þá má það gjarnan fréttast svo enginn vafi sé á.

 

 

 

 

 

 

 

 

 

Jón Baldvin Hannibalsson fyrrverandi utanríkisráðherra fyllti þjóðina stolti með framgöngu sinni við frelsun Eystrasaltslandanna.

 

 

 

 

 

 

 

 

 

Davíð Oddsson fyrrverandi forsætisráðherra og hans ráðuneyti hlýtur að hafa verið samstíga utanríkisráðherra. Það væri mjög gott að fá það skírt og greinilega fram svo að allir njóti sannmælis sem að málinu koma.

Athugasemdir

[Gunnar Freyr Rúnarsson, 3.9.2011 kl. 15:53]

Einmitt.  Jón hlýtur að hafa haft gott bakland í þessu máli.  Þetta var djörf ákvörðun hjá lítilli þjóð að styðja þessa baráttu á sínum tíma...

[Sigurður Alfreð Herlufsen, 3.9.2011 kl. 20:43]

Já Rúnar, sannarlega var þetta djarft, en að sama skapi árangursríkt.

Mjög gleðilegt að við skyldum geta komið að liði.

Mér hafði í mörg ár runnið til rifja hvernig komið var fyrir þessum Eystrasaltslöndum.

Ef til vill verður einhver til að upplýsa og staðfesta hvernig stuðningnum var háttað innan ríkisstjórnarinnar.