Bólusetningar - góð grein í Fréttablaðinu

Í dag birtist mjög athyglisverð grein í Fréttablaðinu eftir Þorstein Scheving Thorsteinsson, sem er meðlimur í félagi áhugamanna um bóluefni.

Ég hef í áratugi verið þeirrar skoðunar að menn skyldu fara með mikilli gát gagnvart bóluefnum.

Á fjölmennum vinnustöðum er reglulega boðið upp á bólusetningar við hinu og þessu, eftir því hvað er til umræðu í það og það sinnið.

Heyrt hef ég margar sögur af því að þeir sem ekki nýta sér þessa þjónustu, fái enga flensu, en þeir sem láti bólusetja sig séu í verri málum.

Þetta eitt og sér væri ærin ástæða til að vera ekki of áfjáður, að fá þennan vafasama skammt beint í æð.

Hér má lesa þessa fróðlegu grein herra Þorsteins Schevings.

 

Athugasemdir

[Agný, 28.12.2011 kl. 04:45]

BÓLUSETNINGAR-UPPLÝSINGAR - Iceland http://www.facebook.com/pages/B%C3%93LUSETNINGAR-UPPL%C3%9DSINGAR-Iceland/304168422931490?sk=wall

[Agný, 28.12.2011 kl. 04:46]

BÓLUSETNINGAR-UPPLÝSINGAR - Iceland 

http://www.facebook.com/pages/B%C3%93LUSETNINGAR-UPPL%C3%9DSINGAR-Iceland/304168422931490?sk=wall

Hér eiga að vera upplýsingar/fræðsla um innihaldsefni í bóluefnum, bólusetningar, aukaverkanir, dauðsföll af völdum þeirra.. Það eru engar upplýsingar um innihaldsefni í bóluefnum hér á landi ...Frekar gert í því að halda þeim frá okkur..Og fólki almennt talið trú um að bólusetningar sé skylda en svo er ekki..

[Sigurður Alfreð Herlufsen, 28.12.2011 kl. 23:39]

Agný, þakka þér fyrir að deila með okkur þessum upplýsingum.

Mikil nauðsyn að skýra þetta út, enda virðast erindrekar bólusetninga alltaf gera mjög lítið úr hliðarverkunum efnanna, og láta eins og það sé eingöngu verið að gera fólki mikinn greiða.

Þegar maður les þeirra skrif, þá virðist allt vera í sómanum og ekkert að óttast!

En það er öðru nær, fullt af hættum og réttara að fara með varúð inn á þessar slóðir.

Við munum eftir seinasta fári, þegar verið var að koma út öllu fuglaflensu bóluefninu. Landið var fullt af þessum varningi og auðvitað var það hlutverk smitsjúkdómalækna að halda því að fólkinu.

[Ása Sigurlaug Harðardóttir, 3.1.2012 kl. 20:36]

Þetta er frábær grein og umræða. Gott að sjá að fólk er farið að þora að tala um þessa hluti upphátt. Fleira undrar mig varðandi bólusetningar í skólum, það að foreldrar eru ekki upplýstir um að bólusetningar eru VAL, en ekki skylda. Við fáum áróðursbréf um bólusetningarnar þar sem þær eru mærðar - sem má í rauninni líkja við tilkynningu um að börnin verði bólusett - og hvergi kemur fram að foreldrarnir ráði ferðinni sjálfir (enda þora því fæstir, dauðhræddir við áróðurinn). Í áróðrinum er sagt eitthvað á þessa leið: "Stundum koma fram aukaverkanir af bólusetningunum, en þær eru ekki af völdum innihaldsefnanna sjálfra." (Af hverju þá, ég bara spyr? Af móðursýki barnsins?) 

Þorsteinn er félagi í Félagi áhugamanna um bóluefni - ég finn bara ekkert um það félag? Veit einhver meira um það?