Siðferðisgildin, hver eru þau?

Samkvæmt mínum skilningi er rétt breytni aðalatriði og hana ber að halda í heiðri við allar aðstæður.

Þegar Jesús kom að hórseku konunni sem mannfjöldinn vildi grýta, þá hafði hann hugrekki til að kynna nýjan sið: "Sá yðar sem syndlaus er, kasti fyrsta steininum".

Þetta var í augum manna algjör dauðasynd, að falla frá venjum og skyldum samtímans og boða fyrirgefningu.

Allar þær mannasetningar sem síðar hafa komið fram, munu ekki geta tekið þessa úr gildi, að fyrirgefa og sýna skilning þegar mannkynið villist af leið.

"Faðir, fyrirgef þeim því þeir vita ekki hvað þeir gjöra".

Einmitt í dag Páskadag erum við minnt rækilega á boðskap meistarans.

Siðferðisgildin ekki horfin

Athugasemdir

[Jón Steinar Ragnarsson, 8.4.2012 kl. 15:58]

Þú veist náttúrlega að sagan um bersyndugu konuna er seinni tíma skáldskapur sem bætt var inn í bókina. Hún er hvergi til í elstu afritum og enginn kirkjufeðranna minnist á þessa sögu fyrr en á 5. eða 6. öld.

Það verður þó ekki af henni tekið að boðskapur hennar er góður og gildur, en það var enginn Jesú sem þarna var á á ferð heldur hugmyndaríkur penni sem vildi bæta annars takmarkaðan texta.

Bara svona lítið fróðleikskorn í tilefni páskanna. 

[Sigurður Alfreð Herlufsen, 8.4.2012 kl. 17:38]

Veistu það Jón Steinar, að það gerir gildi þessarar frásagnar engu minni, hvaða trú menn bera til upprunans.

Vegna þess að siðferðisboðskapur sem er háleitur og þess verður að halda í heiðri, hann fellur aldrei úr gildi.

Því ættum við að gera lítið úr þeim siðaboðskap sem bætir heiminn? Hvað græðum við á því?

Mannkynið verður aðeins fátækara á eftir og enginn getur hlakkað yfir slíku - nema kannski hinn

eini svarti !?

Þú hefur líklegast sloppið við að vakna í morgun til að mæta í kirkju klukkan 8.00 eins og ég þurfti að gera!

Konan mín elskuleg viðheldur sið ættar sinnar og mætir alltaf páskadagsmorgun í hátíðarmessu og ég fylgi á eftir eins og góður eiginmaður!

Þakka þér annars fyrir upplýsingarnar, þú ert miklu lesnari í þessum fræðum heldur en ég. Meira segja svo mjög að ég lít á þig sem fræðimann á þessum vettvangi. 

Ég er ekkert fastur í bókstafnum, en hef mikinn áhuga á andanum þ.e.a.s kærleiksboðskapnum sem ég les út úr þessari bók.

[Jón Steinar Ragnarsson, 9.4.2012 kl. 19:32]

Ekki geri ég lítið úr þessum siðaboðskap Sigurður minn. Mér finnst þetta afgerandi fallegasta og mest innblásna saga testamenntanna. Mér þykir það þó merkilegt í því samhengi að hún er ekki frá "meistaranum" sjálfum komin. Það er nú alllt.

Það má margt finna gott á þessum síðum annars en að megninu er þetta afar vafasamur boðskapur sem fyrst og fremst er drifinn áfram á hótunum um eitthvað verra ef maður þýðist hann ekki.  Það er ekki efni mikils innblásturs.