Frakklandsfundurinn markar tímamót

grano_769_labu_769_ingur_jo_769_lamaturinn_24_des_2014.jpg

 

 

 

 

 

 

 

Kjötlaus jólamaturinn á mínu heimili árið 2014

Sett var fram krafa og hvatning á mannkynið með að breyta lífssýn sinni og hugsunarhætti og leggja sitt lóð á vogarskálarnar svo að það megi bjarga jörðinni.

En hvað er það sem einstaklingar heimsins eiga að gera?

Þeir eiga að endurskoða líf sitt og breyta um matarvenjur.

Það er eiginlega byltingarkennt sem nú er farið fram á við okkur, einstaklingana sem byggjum þessa jörð.

Við eigum að gerast Grænkerar og hætta að borða kjöt!

Er öllum ljóst hvað þetta er stórt framfaraskref og hvað mikið vinnst fyrir jörðina og fyrir mannkynið?

Fyrir það fyrsta þá er hætt að tigna dauðann sem fyrstu hjálp manna, vegna þess að nú verður enginn drepinn til að annar geti lifað. Það er ekki lengur haldið lífi í dauðaboðorðinu, heldur er blásið lífi í annað boðorð sem lengi hefur verið afskipt sem hljóðar svo: “Þér skuluð eigi morð fremja”.

Margir munu anda léttar þegar þeim verður ljóst hvað mikið liggur á bak við þessa ákvörðun og þá verða okkar minnstu bræður og systur ekki lengur skotspónn mannkynsins heldur verða þau vinir og félagar á lífsins göngu.

Á öllum þessium stóru málum sem varða líf og dauða hefur verið haldið þannig, að dauðinn hefur notið forgangs. Hann er sá póll sem fólkið hefur styrkt með vali sínu á fæðu.

Nú fer af stað umræða og átök um þessa kröfu Sameinuðu þjóðanna, en þaðan kemur hvatning um að minnka kjöt- og mjólkurneyslu. til að vernda jörðina og minnka áganginn á náttúruna.


Sjálfstæðisflokkur borgarstjórnarinnar í Reykjavík segir skilið við stefnu flokksins

Það gerði hann með því að leggja fram tillögu í borgarstjórn um að óbólusett börn fengju ekki aðgang að leikskólum!

Mér er um megn að skilja hvernig flokkur getur farið svona gjörsamlega á hvolf gagnvart eigin stefnu.

Sjálfstæðisflokkurinn hefur haft það sem leiðarstef að einstaklingurinn hafi rými fyrir sig og megi vernda sitt eigið skinn gagnvart stjórnvöldum, sem annars eru að ráðskast með okkur eftir eigin geðþótta.

Nú getum við ekki treyst Sjálfstæðisflokknum til að vernda hina sérsinna, sem ekki fylgja meirihlutanum að málum.

Það eru mikil vonbrigði með stóran flokk.

Er það hugmyndin að gefa þetta fjöregg flokksins yfir til Pírata, en þar hefur einmitt fulltrúi þess flokks Helgi Hrafn Gunnarsson tekið myndarlega af skarið varðandi að neyða fólk til að láta bólusetja sig, en sama fólk telur það skaðlegt heilsu sinni.

Þetta sérsinna fólk hefur fullt af rökum því til stuðnings og á að njóta vafans, það er hið allra minnsta sem frjálshuga menn geta boðið slíkum sérvitringum, en oft hafa slíkir menn haft á réttu að standa þvert á almenningsálitið, eins og fjölmörg dæmi sanna.

Ég ætla ekki að tína til öll þau góðu rök, en bendi aðeins á þetta eina mál, sem ég hef lengi haldið að Sjálfstæðisflokkurinn hafi verið stofnaður um - sjálft frelsið til að ráða líkama sínum og lífi, þar sem tískustefnur fá ekki að taka yfir grunngildin og gera þau marklaus.


Bólusetningarskylda brýtur í bága við stjórnarskránna og lýðræðisríkið Ísland.

Ég hef verið að furða mig yfir að enginn skyldi taka af skarið og segja skírt og skorinort að slík þvingun væri þvert brot á einstaklingsfrelsinu.

Ekki heyrði ég í nokkrum málsmetandi manni koma inn á þetta atriði, samhliða öllum talandanum sem fór í gang út af þessu þrætumáli. Nú hef ég séð yfirlýsingu úr kommentakerfi, frá alþingismanni Pírata, Helga Hrafni Gunnarssyni, þar sem hans afstaða er kristalskýr og algjörlega fullnægjandi fyrir mig. Það er sérstaklega hrósvert (þó það sé sjálfsagt að gera það) að hann hafði enga fyrirvara, málið var svo hreint og beint að hans sögn.

Reyndar er það búið að vera mér undrunarefni að Heilbrigðisráðherrann okkar skuli aldrei hafa nefnt það samhliða bólusetningaskyldu, að það brjóti í bága við stjórnarskránna og lýðræðisríkið og stefnu flokksins, og komi þar af leiðandi ekki til greina. Reyndar fór um mig hrollur er ég heyrði hann tala um þetta sem einhvern hugsanlegan möguleika.

Einnig að þegar verið er að leggja fyrir fólk leiðandi spurningar, eins og Fréttablaðið gerði í könnuninni í vikunni, að fólk hafði ekki verið upplýst um, að reyndar væri þessi hugmynd andvana fædd, því að hún bryti í bága við stjórnarskránna og lýðræðishugtakið eins og haldið er utan um það hér á landi.

Mér er það undrunarefni að Sjálfstæðisflokkurinn, sem stofnaður er utan um einstaklingsfrelsið, hafi ekki átt svo kröftuga málsvara fyrir stefnu sinni, að þeir tækju myndarlega af skarið eins og Helgi Hrafn gerir hér.

Vonandi eiga þeir það þá eftir og geri það þá svo skýrt að aldrei verði misskilið.

helgi_hrafn_um_bo_769_lusetningarskyldu.jpg


Mikill meirihluti vill skyldubólusetningar barna!

Í hvernig heimi bý ég eiginlega... Er ég að lesa rétt...Eru hagsmunaöflin að ná markmiði sínu og kaupa meirihlutafylgi við villur sínar.

Fjöldasefjun manna eru heilmikil vísindi til að stýra almenningsálitinu út og suður.

Það er notað ótæpilega af einræðisöflum og hagsmunaliði af öllu tagi og peningavaldið er drjúgt, því fólk getur verið tilbúið að selja samvisku sína fyrir baunadisk, eins og sagt var forðum.

Það skal hafa í huga að meirihluti er ekki sama og satt og rétt. Það hefur ekkert með það að gera. Það er bara valdabarátta sem fer fram og þá eru peningaöflin efsta hagsmunastigið eins og dæmin sanna.

Því miður fyrir þá sem stjórna þessari baráttu um sálirnar, þá er meirihluti ekki sama og rétt framkvæmd. Svo getur meirihluti í dag orðið að minnihluta á morgun, því valt er veraldargengið.

Barnabólusetningar eru og verða glæpur gegn mannkyninu og þá meina ég það alvarlega. Þetta er engin umhugsunarlaus upphrópun heldur ígrunduð staða í gegnum langan farveg, þar sem allt er tekið með í reikninginn.

Þegar rykið sest og fólk gefur sér tíma til að hugsa ítarlega, þá er ekkert annað í stöðunni en að hinir fletir málsins komi fram og verði metnir.

Þeir sem safna sálum, ekki síst ef það er til óþurftarverka, þeir vita hvað þarf til.

Ekkert er einfaldara en að kaupa sér þjónustu "almannatengla" til að skapa hreyfingu, skapa almenningsálit - búa til einhvern veruleika - alveg sama þó hann leiði til ófarnaðar - og þó hann sé himinhrópandi villuvegur - það er hægt að kaupa honum fylgi fjöldans. Það var gert í Þýskalandi fyrir 75 árum svo úr varð hryllingsheimur. Það er hægt að horfa víðar, því allt er fallt fyrir rétt verð - eins og maðurinn sagði.

a_skapa_o_769_tta.jpg

 a_nota_bo_776_rn_eins_og_naggri_769_s.jpg

 

 

 

 

 

 

 

 

 

 

a_eins_eftir_a_e_769_g_a_769_tta_i_mig.jpg

  e_769_g_hef_haldi.jpg

 

 

 

 

 

 

 

 

 

 

 

 

 


Bólusetningavinir - það nægir ekki að bólusetja við fæðingu!

Í grein þessari segir skírt og skorinort að látir þú bólusetja barnið þitt elskulegt, strax og það sér heiminn, þá sé það ekki varið lengur en fram að eins árs afmælinu!.

Þannig skil ég þessa frétt.

Það þarf að bólusetja aftur við 18 mánaða aldur.

Ég bið fólk að hugleiða þessa alvarlegu frétt um gildisleysi bólusetninganna, að þær duga ekki nema að þær séu endurteknar eftir eitthvert tímabil.

Hvað um allt álið og varasama efnið sem fylgir með í kaupunum, getur þessi ungi veikbyggði líkami þolað álagið?

Það eru margar spurningar sem vakna við þessa frétt og þeir sem eiga ungabörn ættu nú að fara að læra sjálft um bólusetningar og skilja hvað verið er að gera við mannskapinn, og foreldar eru með í höndunum fyrstu árin.

 


mbl.is Ekki varað við ferðalögum vegna mislinga
Tilkynna um óviðeigandi tengingu við frétt

Heilbrigðisráðherra kastar sprengju

Já, hann gerir það með því að ljá máls á, að taka einsaklingsfrelsið úr sambandi og neyða fólk í bólusetningar, eftir því sem landlæknir eða einhver telur að sé viðeigandi til að svipta Íslendinga frelsi sínu og ákvarðanarétti.

Ég held að heilbrigðisráðherra hafi ekki hugsað þetta mál að neinu ráði.

Fyrst er til að taka að hann er fulltrúi fyrir Sjálfstæðisflokkinn sem hefur það að grunn stefnumiði að einstaklingurinn hafi frelsi til orðs og æðis og athafna og það megi aldrei brjóta. Einnig er þessi heilagi réttur bundin í stjórnarskrá.

Ég hef ekki í mínum verstu martröðum, látið mér til hugar koma, að einhver hagsmunaöfl fengju því ráðið, að svipta fólk frelsi sínu – hér á Íslandi!

Landinu sem ég hingað til hef talið nógu hreint, til að taka ekki upp sorann frá öðrum þjóðum.

En lengi má manninn reyna, segi ég bara.

Við skulum vona að þegar heilbrigðisráðherran hefur hugsað sinn gang þá sjái hann að þetta gengur ekki og megi aldrei í lög leiða, að frelsið sé tekið af fólkinu.

Ekki á meðan Sjálfstæðisflokkurinn er við stjórn, og jafn vel þó hann væri í stjórnarandstöðu, því allir Íslendingar eiga að vernda hvern annan og sjá það sem sína skyldu að halda okkur frá öfgastefnum sem vilja neyða upp á einstaklingana sínum skoðunum.

Enn verra verður það þegar að hagsmunaöfl ná að taka yfir stjórnartaumana til að auðvelda sér að koma út framleiðslu sinni með valdboði.


Bólusetningar - Böl eða blessun ?

Í leiðara Morgunblaðsins í gær laugardaginn 21. febrúar 2015 segir svo:

“ Mikilvægi bólusetninga. Tortryggni gegn bólusetningum er lífseig, en byggð á gervivísindum.”

Þó þetta sé skrifað í virðulegt blað sem ég er búin að vera áskrifandi að í 50 ár, er ekki sjálfgefið að það sé heilagur sannleikur og ég leyfi mér að mótmæla þessum fullyrðingum blaðsins.

Það gengur nú um heiminn mikill slagur gegn lyfjaiðnaðinum sem orðin er ríki í ríkinu með sínum ógnarmiklu fjármunum sem þeir setja í að móta almenningsálitið.

Þetta kerfi styrkir allt er lýtur að almannatengslum, til að skapa sér velvild út um þjóðfélögin, því það er vísasti vegurinn til að viðhalda góðri sölu og tilheyrandi hagnaði.

Staðreyndin er þó sú, að því meira sem fólk lærir um fræðin því meiri verður mótstaðan gegn þessari ofnotkun á lyfjunum, en bólusetningar eru einnig lyfjainntaka.

Fyrir stuttu síðan var Dr. Suzanne Humphries í fyrirlestraferð um Norðurlönd, en hún er höfundur að miklu fræðiriti um bólusetningar.

Bókin heitir Dissolving Illusions og er komin í bókasöfn á ensku.

Væntanleg á þessu ári á íslensku.

Hún var dæmigerður læknir í upphafi ferils síns og bólusetti fólk, en hún er lyflæknir með sérgrein á nýrnasjúkdómum.

Hún var mikið í rannsóknarvinnu, sem gerði hana að lokum afhuga bólusetningum svo hún var ekki lengur í já-liðinu og hætti að starfa á þessu sviði.

Það þarf að hafa í huga að læknar starfa undir miklum þrystingi frá lyfjaiðnaðinum.

Þeir verða að halda hópinn og ef einhver fer út af sporinu og er ekki með í já-liðinu sem dýrkar bólusetningatískuna, hvað sem líður veiklaðra ónæmiskerfi og tilheyrandi lakari heilsu almennings þá eru menn settir út af sakramentinu, ef þeir ekki jafnvel missa lækningaleyfið.

Við höfum margar sögur um það að heilbrigðisstarfsfólk verður að láta bólusetja sig eða missa vinnuna ella.

Svo að það er ekki að undra að aðrar hliðar málsins eiga erfitt uppdráttar.

Enda er sagt að sannleikurinn sé alltaf lengi á leiðinni!

Mathna Gandhi sagði fyrir margt löngu um bólusetningar: “Bólusetning er siðlaus aðgerð og banvænni en aðrar ranghugmyndir á okkar tímum. Samviskufangar bólusetninga ættu að standa einir og sér, ef þörf krefur, á móti öllum heiminum, í vörn gegn þessari vá.”

Herra Gandhi gerði meira en að vara við bólusetningum, því hann gaf út bók

um heilbrigði sem heitir “A Guide to Health” og er hún öllum aðgengileg á netinu án greiðslu.

Eins og er háttur þegar vitrir menn tala, þá er sannleiksþráðurinn svo sterkur að hann er í raun eilífur, eða stendur lengur heldur en eina kynslóð.

Í bók Dr. Peter C. Götzsche höfund bókarinnar “Deadly Medicine and Organiseret Crime” segir að lyf séu í þriðja sæti yfir mestu dauðsvalda í nútíma samfélagi.

Ef svona ummæli hringja ekki aðvörunarbjöllum hjá okkur, þá er eitthvað mjög mikið að.

  den_tilbageholdte_viden.jpgdo_776_delig_medicin_-.jpg

 

 

 

 

 

 

 

 

"Starfsmenn stjörnvalda og lyfjaiðnaðarins gegn lífi og heilsu", segir í bókinni "Den tilbageholdte viden om helbredelser"

Í bók Dr. Peter Götzsche lýsir hann hvernig hliðstaða er með lyfjaiðnaðinum og glæpastarfsemi.

Dr. Peter er stórt nafn í Danmörku. Hann er stjórnarformaður í Cochrane Center við Ríkisspítalann í Kaupmannahöfn. Það eru samtök sem rannsaka lyfjahneyksli og fleiri mál þar sem farið er út af sporinu í læknisfræðilegum efnum.

a_guide_to_health.jpg

dissolving_illusions.jpg


Siðvit - er þörf á því?

Já, svo sannarlega!

En af hverju að nefna svo sjálfsagðan hlut?

Ég var að lesa í Laugardagsblaði Morgunblaðsins 10. janúar, frábæra grein eftir Svönu Helenu Björnsdóttur sem einmitt ber þetta nafn SIÐVIT, en hún fer svo vel með efnið að unun er að lesa, enda er hún verkfræðingur og kann að skipuleggja sig.

Því finnst mér tilefni til að vekja athygli allra á þessari grein. Hún er svo vel upp sett og með svo kröftugt og tímabært innihald að öllum er það sálubót að lesa ritsmíðina.

Greinina má sjá hér

 

 

 


Þrjú hundruð greind með krabbameinsgen

_rju_769_hundru.jpg

 

 

Svo segir í Fréttablaðinu í dag.

Hvernig stendur á því að læknar stíga ekki fram til að koma einhverju viti í þessa umræðu um fólk í áhættuhópi. Það fólk þarfnast upplýsinga sem ekki valda hlutaðeigandi ótta og hræðslu.

Fyrir mörgum árum las ég haft eftir læknum að krabbameinsfrumur væru alltaf að fæðast í líkama manna, og fæstar þeirra ná að valda tjóni, vegna þess að þær deyja jafnharðan.

Eingöngu þar sem fólk lifir óskynsamlega og fer illa með heilsu sína, þar getur þessi krabbameinsmyndun haldið áfram þar til í óefni er komið.

Og ég segi enn og aftur. Hvernig stendur á því að læknar hér á landi stíga ekki fram til að koma einhverju viti í þessa umræðu og sjúkdómamaníu, þar sem fólk gengur svo langt í ofsahræðslu sinni, að það lætur skera af sér brjóstin!

Það er hámark villugöngu og hamsleysi, sem mér finnst að læknar hafi þeim skyldum að gegna, að koma til hjálpar og fá vit í umræðuna, þegar fólk missir sig algjörlega.

Mér virðist þessi sjúkdómaleit vera alveg búin að kollsigla sig, og tími komin til að draga í land.

Það eru stór fyrirtæki sem hafa það verkefni og tilgang að finna upp sjúkdóma og lyf við þeim.

Þessi fyrirtæki hafa hag af því að skapa fjöldahræðslu við hvers kyns sjúkdómum, og blása þá upp, og bjóða svo lyf til lausnar og lækningar.

Þetta er hringrás sem býður upp á heilmikil umsvif á sviði sjúkdóma og lyfja.

Hún er til þess fallinn að gefa af sér miklar tekjur, því við vitum öll að heilsan er ómetanleg og verðmiði á hana er enginn til.

Læknastéttinn talar allt of lítið um hin margvíslegu ráð sem eru handbær, svo fólk geti viðhaldið góðri heilsu fram á elliárin.

Hér er greinin


Þeir halda áfram að mæla með bólusetningum!

Er það ekki alveg magnað!

Þeir halda áfram að mæla með bólusetningum eins og að ekkert hafi í skorist.

Eins og að þeir viti ekki af öllum skandölunum og hættunum sem þeir hafa sleppt lausum, með því að vera að þessum útúrdúr og bardúsi og föndri sem ekkert tekur á kjarna málsins.

Vita mennirnir ekki að það sem gildir fyrir góða heilsu, er að lifa eins og skynsamur maður og borða lífræna fæðu og við getum alveg eins kallað það bólusetningu gegn allri vá, því að sá sem gætir heilsunnar hann er í raun og sann bólusettur fyrir öllum þeim flensum sem nokkru sinni fara á stjá.

Reynum nú að beita skynseminni, ekki aðeins hinn almenni almúgamaður, heldur einnig hinir sem hafa lært um öll heimsins lyf við öllum heimsins sjúkdómum.

Það eru bein sannindi sem aldrei verða hrakinn, að ef þú verndar heilsu þína eins og segir hér fremst, þá kemur enginn flensa til með að skaða þig - punktur!


mbl.is Bólusetning gegn flensu mikilvæg
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband